قصيدة ثورة الدخان للشاعر الكبير محمد فليح العقابي

.......(ثورة الدخان)........

جكَاير......جكَاير.......جكَاير
بياع الجكَاير صاح
جكَاير......جكَاير......جكَاير
صارت ثورة الدخان........؟
ثوره الموتت الانسان.
الرصيف الناس من دخان.
نشرب ناكل الدخان.
تطلع روحنه وما يطلع الدخان.
وكبرة ثورة الدخان.
كبرة ثورة الدخان.
.........واحد دخن اطفاله وشربهم لف.!
........واحد دخن اعيونه وصبح منكف.!
........واحد دخن الفرحة ولا يعرف
ضحك ...................وشفافة طاحن فوكَ راح الجف!!!!!!!
وكبرة ثورة الدخان.
كبرة ثورة الدخان.
وذاك الي شرب ولده.....
رسم .....ثورة..وطريق..وسيف..
.......................ومسحهن ريح!!
وذاك الي شرب حلكَه.....
رسم......فرحه..وهلاهل كيف..
........................ومسحهن ريح!!
وجه ظلي الشرب عينه.....
ورسم..نوم..ومخده..وطيف؟
................بس ما مسحهن ريح!!!!!!!
ومن فز الحلم.......
دور ما لكَانه هناك.....
............لأن بياع الجكَاير مات.!؟
(محمد فليح)