zain alabden مدير المنتدى
عدد المساهمات : 143 نقاط : 434 السٌّمعَة : 0 تاريخ التسجيل : 20/08/2013 العمر : 25
| موضوع: قصيدة الفتوى للشاعر محمد فليح الثلاثاء فبراير 11, 2014 2:38 am | |
| ................(الفتوى)................ فوكَ المرايه الوجه ينزف ضواه ! ومنهو مثلي... وجهه فوكَ المرايه نساه! كلهه تركض.. ظلي يركض.. وانه ما اركض وراه كلهه مرضه ... وكلمن يدور دواه!! وين ادور عالحقيقه؟ والصدكَ ياهو بجيوبه خذاه؟ ضاع عمري.. وصوتت فدوه اروحله الكَاه؟ وين؟ الكَه انسان يدعيلي بصلاته!! مالكَيت انسان يدعي ويقبل الباري دعاه!!! وتاهت اجدام الصبر بدروب موتي... وين الكَه راسي؟ اليا كَبر امشي وراه.. قشمروني وشدوا عيون الفرح كَالولي كافر.. وكَوم حب ايد اليذبحك كَبل ما يبدي الصلاه.. وشيل عينك خرزه حطه المحبسه وسويله جاه.. سوي كلشي يريده منك .. هذا ذباحك مجاز؟ ويذبح بأسم الاله!! جنت نايم فززتني اصوات فتوى!! الفتوى ظلمه وباكَت الصبح وضواه.. جانت الفتوى عظيمه.. وصاحب الفتوه عميل انطاني سبحه ومبخره ودمعات للضحكه بديل كلشي ياخذمني بأسم الدين جائز... الدين ميحب البخيل الفقير يموت من اجل الفتاوى وماكو فتوى اتطالب بحق القتيل وقشمرتني..ورحت بيدك امس من اذني خذتني حتى اصيرنلك ذليل الدنيه ليل !! الدنيه ليل وما اشوفك.. مدري بيدك شنهي شايل تقربتلك..شايل جفوفي مشاعل هسه شفتك كبرت افكاري قليل شايل بيمناك باطل وشايل بيسراك موتانه العزيزه الجوعتهه.... الكفرتهه....الموتتهه....بمنجلك يابو المناجل شلون اصدكَ بيك من كَتلي وكيلك وانت ما عندك وكيل جان ارحم منك بمليون رحمه....جان عاقل جان فرعون الاله اشكَد غشيم وقشمره حلم السنابل وانت كفرته بصلاتك!!! حتى لا ينباع محصول الفقير.. بكَته من حلكَ البلابل انت خليته بديك الموت يجري بدمي جريان الجداول وخيطيت شفافي بيدك وصوتي جان بصرخه حامل!! كَتلي اسكت... تيمم بسكتات ذلتك.... اليموت بذلته عاقل شكَد غشيم ويتمت عمري اعله بابك تاخذ الخيره اعله موتي....تكَلي باجر وصارت بكَاعي مجازر وانت ساكت!! جانت السكته تقيه!! وترسوا بدمي المحاجر ومن كَلتلك خل ادافع عن عرضنه....؟؟!! اتكَلي كافر كفرتني وشوهت وجه الشموس ولبست جف عوزي حافر!!!!!!! وعلمتني اقفل عيوني... وارمي مفتاح الحقيقه من المناير حتى اعيش العمر ذله... واسبح بنهر الظلام وما اخاطر علمتني وجنت بجفوفك غشيم وعلمتني اعبد الذله... وستحي وما اشوف باجر جا يمته ؟ ما شوفك وكَولن جانه باجر انته دفان... وبديك البارحه دفنيت باجر!!! | |
|