قصايد عالحزن ليش انتم تكتبون
عليمن هالتعب بس كتبو اسمي
&&&&&&&&&&&&&&&&&&&&&
بيه جروح ماينعدن هواي
بحيث اصغر جرح سماني عمو
&&&&&&&&&&&&&&&&&&&&&
جرحك اوفه منك من اقيسه وياك
ماراح وتركني بكلبي ضل عايش
&&&&&&&&&&&&&&&&&&&&&
اهز كاروك جرحك واسهر وياه
شمالك ياجرح ماتغفه وتنام
&&&&&&&&&&&&&&&&&&&&&
صحت الله واكبر يمته ارتاح
رد شامت بصوت وكال ايس
&&&&&&&&&&&&&&&&&&&&&
شيب باب كلبي وبعده مقفول
وحته اعله القفل طلعن تجاعيد
&&&&&&&&&&&&&&&&&&&&&
صحت اله الجرح ها ياجرح خانوك
دنك راسي جرحي وكال ميخالف
&&&&&&&&&&&&&&&&&&&&&
قوطيه حبر جرحي بغيابك صار
واجو شمات ينتخبون فركتنه
&&&&&&&&&&&&&&&&&&&&&
هموم الدنيا سوت قرعه وياي
وكلما تصير قرعه يطلع اسمي
&&&&&&&&&&&&&&&&&&&&&
لان كثرت جروحي وصارن هواي
اخاف انحسد شايل خرزت جروح
&&&&&&&&&&&&&&&&&&&&&
ضحكتي اكتبهه بضغط حرف الهاء
بس ياحرف اضغط واكتب دموعي
&&&&&&&&&&&&&&&&&&&&&
عاشت ايدك عالجرح كلش طويل
شافه شامت وصاح الطول هيبه
&&&&&&&&&&&&&&&&&&&&&
اقشمر عالكلب بخصوص الوداع
بحيث وداع كمت اكتبهه مكلوب.....(ع.ا.د.و)
&&&&&&&&&&&&&&&&&&&&&
يوميه الحزن يندهني نص الليل
يكلي اكعد ولك مشتاك لدموعك
&&&&&&&&&&&&&&&&&&&&&
كبر جرحي وبعد متفيده الخيوط
لذلك كمت اشدنه بسلاسل
&&&&&&&&&&&&&&&&&&&&&
&&&واحد زائد واحد مايصير اثنين&&&
&&&لان كل اثنين واحد منهم يخون&&&
تحياتي واحنرامي لكم جميعا